નામ : દિલમાં વસેલ દિલદાર
તારીખ: તું તારી રીતે નક્કી કરી લેજે
સરનામુંઃ અજનબી ગલી
શીર્ષક: પ્રેમની યાદ
પ્રિય સાગર,
"યાદ આવતા લઈને બેસી કાગળ,બોલપેન
લખી રહી એક પ્યારથી પ્રેમપત્ર પ્રિયતમને."
પ્રિય સાગર,
પર્વતની ગિરિમાળામાં રહીને તને યાદ કરી રહી છું. આજુબાજુમાં સુંદર હરિયાળું વાતાવરણ છે. એક સરસ મજાની નદી વહી રહી છે. પક્ષીઓનો કલરવ તારી યાદ અપાવી રહ્યા છે. વનરાઈ માં જાણે કે કંઇ જીવ પુરાયો હોય એવી અનુભૂતિ થાય છે. મારી હાથમાં પ્રેમભરી પેનને કાગળ છે અને આજે તને દિલથી એક પત્ર લખી રહી છું.
પ્રિય કેવા દિવસો આવી ગયા કે તું આજે મારાથી દૂર છે. હું તને ખૂબ યાદ કરું છું કઈ દુનિયામાં ખોવાઈ ગયો છે તને ક્યારે મને મળવાની ઈચ્છા નથી થતી ? ક્યારેક તો મળવાનો પ્રયત્ન કર ...
"જિંદગીની રાહ માં તું ક્યાં ખોવાઈ ગયો.
યાદ આવે તારી તું બેપરવાહ થઈ ગયો.
સુખની એ ક્ષણની એ પળો યાદ આવી ગઈ
તારી હાજરી વિના હુ એકલી થઈ ગઈ"
મેં જ્યારે પ્રથમ વખત તને જોયો ત્યારે કલ્પના નહોતી કે' હું તારા પ્રેમમાં પડી જઈશ હું દૂર ભાગતી હતી ,કારણકે હું શરમાતી હતી. તારા અવાજના રણકારમાં મને મીઠો પ્રેમ દેખાતો હતો છતાં પણ હું શરમાઈને ભાગી જતી હતી .પહેલી નજરમાં તો મને બિલકુલ પ્રેમની ભાષા સમજાઈ નહોતી. બસ તારી સાથે વાતો કરવી ગમતી. મજા આવતી ધીમે, ધીમે ક્યારેય પ્રણય શરૂ થયો એની કલ્પના જ ન રહી. એ મધુર મીઠી ક્ષણો ખૂબ યાદ આવે છે. ફરીવાર આપણે ફરીથી પાગલ બનીને મસ્તી કરતા થઈ જઈએ. ફરીથી હાસ્યનો ફુવારો આવીને રેલાવી જાને.. ક્યારેક તો તું મીઠી શાયરી પણ કરી લેતો એક શાયરી મને હજુ યાદ છે.
"યાદ આવી રહી એક મીઠી પ્રેમની તો તું ક્યાં સંતાઈ ગઈ.
મળવા માટે આતુર હું તને દિલમાંથી પોકાર કરી રહ્યો." તું ક્યાં સંતાઈ ગઈ.
મુલાકાત હોય ત્યારે હું તારી ખૂબ રાહ જોતી .ક્યારેક તે મને સિટીમાં બોલાવી હોય તો હું એકલી ક્યારે આવવાનો પ્રયત્ન ન કરતી કારણકે મને બહુ ડર લાગતો. ક્યારેક તો ગુસ્સે થતો અને બોલી નાખતો એકલા આવતાનો ડર લાગે છે પણ આ જમાનામાં તારે બધું શીખવું જોઈએ.
હું એ દિવસની રાહ જોતી પ્રયત્ન કરતી કે એકલી સ્થળે પહોંચી જવું અને ધીમે, ધીમે કરતા હું એકલી તને મળવા આવવાનું શીખી ગઈ .કોઈના ડર વિના. મને ડર લાગતો હતો પરંતુ તારા પ્રેમને કારણે ડરને હું ભૂલી ગઈ અને બિન્દાસ તને મળવા માટે આવી. રાહ જોતી ...ફરીથી તે મિલનનો દિવસ આવી જાય અને હું તારી સાથે તને મળવા આવી જાઉં. ખબર નહિ તારો સહવાસ મીઠો લાગતો હતો. આજે હું એક પર્વતમાળામાં તને યાદ કરતી પત્ર લખી રહી છું કે વીતી ગયેલી સોનેરી ક્ષણો ફરીથી પાછી નથી આવતી . આપણે બિન્દાસ થઈ ગયા હતા કોઈનો ડર કે ના કોઈ વિચાર મને પણ ખબર નથી કે તારા પ્રેમમાં હું કેવી રીતે પાગલ બની ગઈ .તું પણ મારો દિવાનો હતો જ આપણે બંનેને પછી જ ખબર પડી કે એકબીજાના પ્રેમમાં છીએ. બાકી ખાલી એમ જ હતું આપણે વહેમમાં છીએ . આપણે એકબીજાને ગમીએ છે.એવું લાગ્યું જ્યારે તે મને પ્રેમનો એકરાર કર્યો ત્યારે મને પણ ખબર નથી કે હું તને કહીશ હું તને ચાહું છું, પછી તો આપણે એટલા આગળ વધી ગયા એકબીજામાં ખોવાઈ ગયા સવાર પડે અને તારું મુખ જોવા અધીરી રહેતી.તું જોવા ન મળે તો દુઃખ થતું ગમે તે બહાને તને જોવા માટેનો પ્રયત્ન ચાલુ જ રહેતો .મજા આવતી હતી . ખરેખર ચોરીછૂપીથી કરેલા પ્રેમમાં કેટલી બધી મજા હોય છે, એ તો આપણે બંને અનુભવ કરેલો જ છે .શું તમને આ બધું યાદ આવે છે કે તું મને ભૂલી ગયો છે મને ખબર છે! તું ક્યારે મને ભૂલી શકે નહિ.! તને પણ એ બધી મીઠી ક્ષણો યાદ આવતી હશે મારી ઈચ્છા છે કે તું મારો આ પત્ર વાંચે અને તારા પ્રેમની એકરાર પત્ર મારી પાસે લખીને મોકલીશ અને તારો પત્ર આવશે તો હું સમજી શકે તે મારા પ્રેમને અકબંધ દિલમાં સમાવી રાખ્યો છે તારા પત્રની રાહ જોતી તારી પ્રીત
પ્રિયાની યાદ...
વધુ ભાગ બીજો આગળ...
